Э.Батбаяр МУИС-ийн Хууль зүйн дээд сургуулийг эрх зүйн магистрийн зэрэгтэй төгсөж, ОХУ-ын Кубаний Улсын Их Сургуульд хууль зүйн ухааны докторын (Ph.D) зэрэг хамгаалсан, дэд профессор. Батбаяр хуулийн салбар, шүүхийн системд олон жил ажилласан төдийгүй хуулийн практикт 20 орчим жилийн туршлага хуримтлуулсан хуульч юм. Тэрээр хуулийн боловсрол эзэмшихийн зэрэгцээ ОХУ-д Металлургийн чиглэлээр суралцаж төгссөн бөгөөд уул уурхайн салбар болон үйлдвэрлэлийн процессийг сайн ойлгодог.

Батбаяр “Түшээ” дээд сургуулийн Эрх зүйн тэнхимд багш, тэнхимийн эрхлэгч, зөвлөх багш, “Зөв” хууль зүйн товчооны ахлах зөвлөх, Нийслэлийн шийдвэр гүйцэтгэх албаны даргаар ажиллаж байсан. Тэрээр УИХ-ын Тамгын газар, УИХ-ын гишүүний зөвлөх, Хууль зүйн үндэсний хүрээлэнгийн захирлаар мөн ажилласан байна.

Батбаяр Орос болон Монгол хэлтэй.